Eru einhverjir enn að heimsækja bloggið mitt? ég var satt að segja búna gleyma að ég væri með blogg held að facebook sé alveg komið í staðin fyrir bloggskrifin hjá mér...svo er sumar núna og þá nenni ég ekki að blogga, og svo er of mikið um að vera sem gerist of hratt til að ég nái að segja frá því hér svo eru eiginlega allir hættir þessu bloggstandi er það ekki? jæja vona að þið eigið skemmtilegt og viðburðaríkt sumar í vændum eitt er víst að ég ætla sko að skemmta mér feitt í sumar.............og er þegar að því

Love Sólveig Helga

Þá eru búnar rúmlega tvær vikur af verknáminu mínu á kvenlækningadeild og heldur betur farið að styttast í að því ljúki, bara 4 vaktir eftir og síðasta vakt fyrir páskafrí er í fyrramálið þetta er búið að vera mjög skemmtilegur og fínn tími og ég hugsa að ég eigi bara eftir að sakna deildarinnar þegar ég hætti. Svo yndislegt fólk þarna og spennandi námstækifæri. Ég er búin að sjá margt og læra ýmislegt um allan þann aragrúa sjúkdóma og kvilla sem konur geta átt hættu á að fá einhvern tíman á ævinni, við erum virkilega flóknar lífverur og æxlunarkerfið okkar sjæs ég er orðin miklu öruggari í að hjúkra mismunandi sjúklingum og kann að setja upp þvaglegg og æðalegg alveg sjálf eftir þennan námstíma sem ég kunni t.d. ekki áður ég hef fengið að sjá aðgerð þar sem leg var fjarlægt út í gegnum leggöngin og það var magnað en ótrúlega brutalt að horfa á enda sá ég stjörnur eftir dáldinn tíma inn í þeirri aðgerð hefði svo mikið viljað sjá aðgerðina til enda en líkaminn minn var ekki sammála í þetta fyrsta sinn allavega. En þetta voru nú bara fyrstu viðbrögð við að sjá aðgerð svo lagast þetta víst er mér sagt...eins gott því í þar næstu viku fer ég á skurðstofur í Fossvogi þar sem ég er bara í aðgerðum allan daginn wish me luck!

Um helgina fór ég í geggjaða óvissuferð með krökkunum úr hjúkkunni, við vorum um 70 sem skráðum okkur af 1., 2, 3. og 4. árinu og stjórn nemendafélagsins skipulagði alla skemmtunina rosalega gaman að fara í svona ferð. Fyrst hittist hópurinn í Eirbergi þar sem hjúkrunardeildin er og þar fengum við bjór og okkur var skipt í lið og svo kom rúta að sækja okkur sem keyrði með okkur út í buskann og svo var stoppað hér og þar til að fara út í alls konar leiki og svona. Hápunkturinn í ferðinni var þegar rútan tók stefnuna til Hafnarfjarðar þar sem hún lét okkur út við slökkviliðsstöðina þar sem allt varð vitlaust þegar fullt af sætum hjúkkum mættu á staðinn hehehe slökkviliðs gaurnarnir létu okkur gera nokkrar þrautir og í einni fengum við að renna okkur niður súluna þið vitið hvað ég er að tala um ég var svo æst að ég fór fjórum sinnum mjög sexy og var það fest á filmu hehe! skemmti mér ekkert lítið þarna. Enduðum svo á því að fara með rútunni niðrí miðbæ Reykjavíkur þar sem við fórum í ratleik í hópunum sem við vorum í sem var voða fjör en það var mikið svindlað hehe og svo var endað í salnum á Túngötu þar sem við fengum pizzu og áfengi eins og við gátum í okkur látið nánast ég var að fíla það...eftir miðnætti fóru mestu stuðboltarnir á skemmistaðarölt og ég kíkti með Bergþóru vinkonu og fleiri hjúkkulingum á Barböru og svo Hressó og djöfull var gaman á báðum þessum stöðum. Tónlistin sem var spiluð þetta kvöld var bara eðal og við dönsuðum því mikið og svo var fengið sér Hlölla og ég var komin heim um 4 leytið og átti að mæta á vakt klukkan 07:30, þarf varla taka það fram að ég átti mjög erfitt með að vakna daginn eftir...hehe but it was worth it já það er sko endalaust gaman að vera í hjúkrun í alla staði.

Love you darlings

Sólveig Helga

Það er búið að vera geðveikt mikið að gera hjá mér síðustu daga. Var að vinna um síðustu helgi og í kóræfingabúðum í Ölfusi og byrjaði svo í verknámi eldsnemma á mánudagsmorgninum. Ég verð sumsé í starfsþjálfun á kvenlækningadeild 21-A næstu þrjár vikurnar og fyrstu dagarnir á deildinni eru búnir að vera mjög góðir. Mér finnst þetta rosalega spennandi umhverfi og hjúkrunin er skemmtileg og gengur vel Ég er að kynnast deildinni fyrstu vikuna og komast inn í starfsemina og viðfangsefnin sem eru fjölmörg og mjög fjölbreytt. Starfsfólkið á deildinni tók einkar vel á móti mér og þarna eru læknar, hjúkkur og sjúkraliðar að sinna sínum störfum og mikið líf og erill.

Inn á þessa deild leggjast konur sem eru að koma í ýmsar minni eða stærri aðgerðir til að fá viðeigandi undirbúning, eftirlit og meðferð. Einnig eru bráðainnlagnir t.d. vegna yfirvofandi fósturláts eða kvensjúkdómavandamála og svo eru konur inniliggjandi vegna krabbameins í kvenkynfærum og eru að fá meðferð við því, ýmist líknandi eða læknandi. Fyrstu þrjá dagana var mér falið að sjá um, ásamt öðrum reyndum hjúkrunarfræðingi, stúlkur og konur sem eru að koma í fóstureyðingar og bráðainnlagnir og það er sko búin að vera mikil og sérstök reynsla fyrir mig. Ég sankaði að mér fræðslubæklingum og efni fyrsta vinnudaginn svo ég vissi allt um þá meðferð sem þessar konur fá og aðgerðina sem þær fara í Það er svo mikilvægt að vita og skilja hvernig hlutirnir ganga fyrir sig og að geta sett sig í spor sjúklinganna því þetta eru sko ekki auðveldir hlutir sem konurnar eru að ganga í gegnum. Það hefur gengið mjög vel að taka á móti þessum sjúklingahópi og hugsa um hann og ég er alltaf að læra meir og meir og verða færari í að hjúkra mismunandi sjúklingum.

Í gær var ein kona lögð inn hjá okkur með utanlegsfóstur sem er bráðamál því það getur verið lífshættulegt ástand. Mér fannst mjög áhugavert að fylgjast með því og fá að taka þátt í hjúkruninni og ferlinu öllu saman frá því konan kom inn og þar til hún fór í bráðaaðgerð. Það koma yfirleitt 1-3 bráðamál inná deildina á dag. Þetta eru mjög persónuleg samskipti sem maður á í við þær konur sem leggjast inn á deildina og þetta eru viðkvæm og erfið mál eins og gefur að skilja og hjúkrunin er því vandasöm og krefjandi, ekki bara færnislega séð heldur félagslega og andlega en það er einmitt það sem mér finnst svo gaman við þetta. Ég gæti bara vel hugsað mér að vinna á þessari deild einhvern tíman í framtíðinni, finnst það eiga vel við mig að vera þarna  
Það er æðislega gaman hjá mér þessa dagana og ég er svo heppin að Hildur bekkjasystir mín og vinkona er einmitt í verknámi á sömu deild og ég og við tölum mikið saman og hittum svo alltaf fleiri góðar vinkonur okkar í hádeginu í matsalnum á Lansanum já það er alltaf líf og fjör á spítalanum...


Í dag fékk ég svo að skreppa af deildinni í hálftíma til að hitta Daða bróður minn og Sillu konuna hans á fósturgreiningardeildinni sem er beint á móti kvennadeildinni þar sem ég er, já þau eiga von á barni!! þriðja barninu og það var yndislegt að fá að vera viðstödd sónarskoðunina og sjá litla krílið sem hreyfðist inn í leginu. Ég gleymi ekki svipnum á brósa mínum og Sillu, þau voru svo ánægð og spennt. Ég get ekki beðið eftir að barnið komi í heiminn en það eru nú enn nokkrir mánuðir í það. Mér sýnist krílið vera með nefið mitt hehe hlakka svo til að sjá það og fá að passa þegar þar að kemur. Æðislega gaman að verða föðursystir í þriðja sinn í sumar. 


Love to you guys

Ég var að uppgötva svolítið, það eru rosalega margir hættir að blogga! allavega af því fólki sem ég hef verið að lesa bloggið hjá undanfarin misseri. Ég gerði einmitt smá athugun seint í gærkveldi og þá kom í ljós að af þeim tenglum sem ég er með á síðunni minni og les reglulega eru aðeins örfáir virkir í dag ég hélt þetta væri tímabundið og kíkti aftur og aftur inn á sumar síður en nei ekkert nýtt blogg svo mánuðum skiptir. Mér finnst þetta hálf leiðinlegt og ég ákvað að komast að því hvaða ástæður væru fyrir bloggleysinu og spurði nokkra vini og kunningja að því í dag og ástæðurnar virðast einkum vera tvær: NR.1 enginn eða fáir kommenta við skrifin OG NR.2 brjálað að gera og aldrei rétti tíminn til að setjast niður og blogga...og svo eru sumir einfaldlega búnir að missa áhugann á að halda úti bloggi. Ég ætla nú ekkert að tjá mig sérstaklega um þessar ástæður en læt þær fylgja með hér fyrst ég er að tala um þetta. En ég er mjög ánægð með gömlu bekkjasysturnar úr MR þær standa sig best í bloggskrifunum og eru flestar enn að, allavega við og við. Hlíf er sú virkasta held ég samt Mig langar að hvetja þá sem hafa lagt bloggið til hliðar að finna tíma og löngun hjá sér til að byrja að blogga á ný, maður er ekki að gera þetta bara fyrir aðra og til að fá komment heldur fyrir mann sjálfan ekki gleyma því! en það er auðvitað gaman að fá komment frá þeim sem lesa. LIFI bloggið! 

Annars hef ég það bara voða gott þessa dagana í fríinu mínu, er alltaf að gera eitthvað skemmtilegt og njóta þess að hafa nægan tíma, ekkert stress eins og þegar skólinn er Ég er húkt á Grey's Anatomy í lok hvers einasta kvölds og langt fram á nótt þökk sé Steinunni vinkonu sem lánaði mér fyrstu tvær seríurnar um daginn þetta efni er sko eitthvað fyrir mig, rosa gaman og fróðlegt að fylgjast með þessu.
Ég er að fara núna á eftir að heimsækja Karen vinkonu mína og Atla og sjá litla strákinn þeirra Magnús sem ég hef ekki séð lengi núna og ég hlakka svo til við Karen ætlum svo að skella okkur saman í bíó að sjá myndina "He's just not that into you" ég er viss um að þetta er ekki einhver fyrsta flokks bíómynd en ég hef heyrt að hún sé mjög skemmtileg engu að síður og mig langar að sjá hana Svo var ég á söngæfingu í gær með kvennakórnum og við erum að fara í æfingabúðir 21-22. mars næstkomandi sem verður örugglega mjög gaman og þá kynnist hópurinn líka betur.

Love Sólveig babe

 

Skólinn er búinn hjá mér mun fyrr en hjá flestum öðrum háskólanemum svo mér finnst bara algjör lúxus að vera 2.árs hjúkkunemi Bóklegu prófunum er semsagt lokið og ég er í fríi þar til í lok mars en þá byrjar verknámið mitt á Kvenlækningadeild 21A ég hlakka mjög mikið til og er rosalega ánægð með að vera send á þessa deild því við nemar fáum engu að ráða um hvert við förum og lendum á mis spennandi stöðum. Held ég muni sjá margt spennandi þarna. En þangað til verknámið hefst nýt ég þess að sofa út, slappa af, hafa nægan tíma til að hitta vini, syngja með Kvennakórnum og svo er ég á fullu í ræktinni með henni Rósíku vinkonu minni úr hjúkkunni ég er búin að vera rosa dugleg að mæta síðan ég eignaðist aftur kort í World Class, fer alveg 3-4 sinnum í viku niðrí Laugar þar sem mér finnst best að vera og hleyp eins og óð væri á brettinu og lyfti svo. Fer svo oft í heita pottinn eftir æfingu sem er rosalega slakandi og gott sérstaklega á kvöldin þetta er klárlega það næst besta sem ég veit um vellíðanin eftir svona útrás er svo mikil og ég sofna eins og lítið barn þegar ég kem heim hehe. Já mín verður komin í rosalegt form innan tíðar.
Eitt finnst mér fyndið í ræktinni og það eru sterabúnt gaurarnir, fangarnir og spíru gaurarnir sem lyfta léttari lóðum en ég hahaha bara fyndið...
Ég er samt ekki í fríi frá vinnu þó ég sé búin í skólanum því ég er auðvitað að vinna áfram á hjartadeildinni en það er enn sem komið er bara önnur hvor helgi og eitt kvöld í viku. Verð að segja ykkur eitt fyndið það er einn næturvörður á Lansanum sem brosir alltaf til mín og horfir á eftir mér þegar ég fer heim af kvöldvöktum. Um daginn þá kallaði hann á mig og spurði á hvaða deild ég væri að vinna og svo spurði hann hvort hann mætti kíkja við tækifæri á mig í vinnunni því honum langi svo að sjá mig í hjúkkubúningnum við störf hehehe ég hló bara og vissi ekkert hvað ég ætti að segja við hann. Það verður forvitnilegt að sjá hvort hann kíkir upp á deild einhvern tíman og þykist vera í mikilvægum "erindagjörðum" hehe þessi strákur sem er reyndar mjög myndarlegur er ansi skondinn verð ég að segja

En nú er ég farin að sofa,vinna á morgun!

Love to you Sólveig Helga

Sælt veri fólkið

Nú er skvísan byrjuð í hörku próflestri til og með 27.feb og þið fáið engar fréttir hér á meðan enda lítið annað en lestur í gangi hjá mér í bili Lokaprófin byrja núna á föstudaginn 20. feb og fræðin eiga allan hug minn núna þar til prófunum lýkur.
Hafið það gott elskurnar og ekki halda að það megið ekki hringja í mig eða skilja eftir skilaboð þó ég sé svona upptekin á næstunni, það er alveg í lagi Læt heyra frá mér hér þegar þessu annatímabili lýkur og þá fái þið einhverjar fréttir af því hvernig mér gekk og hvað ég er að fara gera eftir prófin

Love Sólveig Helga hjúkkulíus! 

Kominn tími á smá blogg það hefur ýmislegt gerst síðan ég bloggaði síðast, bæði gott og leiðinlegt, samt aðallega gott. Skólinn gengur sinn vangang og það er farið hratt yfir efnið og erfitt að halda í við þegar svo mikið efni hellist yfir mann á stuttum tíma, prófin bara núna í febrúar en þetta reddast nú allt! mér finnst alltaf jafngaman að því sem ég er að læra. Er búin að komast að því hvað vekur mestan áhuga hjá mér í þessu námi öllu saman og það eru hjartasjúkdómar og krabbamein og allt sem tengist því, en annars elska ég þetta eiginlega allt nema vefjagigt haha

Moli "minn", kettlingurinn sem ég tók að mér, fóstraði og elskaði í 3 mánuði er farinn og það er sárt og ég viðurkenni það alveg, en ég var orðin svo lasin út af honum og neyddist til að bregðast við því og láta hann fara en það var ekki gert efasemdalaust! En allavega þá hjálpaði stóri brósi mér að finna nýtt heimili handa honum og kynnti mig fyrir mjög góðu fólki í Grafarvoginum sem tók hann að sér og ég heimsótti þau um daginn og sá að honum líður mjög vel þar Það var mjög erfitt að gefa hann einhverjum öðrum og ég sé óskaplega eftir honum og við öll hér heima en það hjálpar að vita hvað hann er hjá góðu fólki og ég ætla heimsækja hann af og til. Það er samt skrýtið að sjá Snúbbý og Mola ekki leika saman lengur og taka á móti mér þegar ég kem heim úr skólanum eins og vant var þeir sitja ekki lengur saman og horfa út um gluggann á kvöldin, ég held að Snúbbý sakni hans jafnmikið og ég mér finnst ósanngjarnt að hafa fengið ofnæmi...,

Um helgina, á laugardagskvöldið, var svo árshátíð hjúkrunarfræðinema haldin á Rúbín í Öskjuhlíð og ég hélt fyrirpartý fyrir bekkinn minn á undan sem var voða skemmtilegt og húsið fylltist af fólki í sínu fínasta pússi ég var búna kaupa góðar veigar og baka líka og finna til réttu tónlistina og svona og þetta var bara mjög vel heppnað held ég Það voru allir svo rosalega fínir og kátir þetta kvöld og árshátíðin sjálf var æðislega skemmtileg, borðhaldið og skemmtiatriðin fín, maturinn góður og mikið dansað langt  fram á nótt ég elska bekkinn minn
á sunnudaginn var svo vinna og ég var að taka fyrstu vaktina mína á 14E sem fullábyrgur starfsmaður, ekki lengur "starfsmaður í þjálfun" og allt gekk vel og mér líkar alveg ótrúlega vel á þessari deild og það er frábært fólk að vinna þarna og hjúkrunin er skemmtileg og áhugaverð. Vonast til að fá fulla vinnu þarna áfram í sumar nú eru próf eftir 11 daga og þau eru búin í lok febrúar og þá fer ég í smá hlé frá skólanum og verð bara vinna þangað til verknámið á skurðdeild hefst svo hlakka geðveikt til! nóg að gera eins og alltaf og nú fer mikill annatími af stað og ég þarf að fara læra á hverjum einasta degi marga tíma á dag. Ég er byrjuð í ræktinni á fullu aftur og það er rooosalega gott. Það er fátt betra en að taka svakalega á því í ræktinni, skella sér í heita sturtu á eftir og vera endurnærður og hress á eftir ég finn strax hvað þettaq hefur góð áhrif á líðanina og atorkan eykst dags daglega. Það verður sko lyft og lyft og hlaupið á næstu mánuðum til að stækka vöðvana og auka þolið

Love you guys, Sólveig Helga 

hva nennir bara ein manneskja að kommenta? hættiði að vera svona löt mér finnst svo gaman að vita hverjir eru að lesa, sé á heimsóknum að það er slatti af fólki

Ég lagði leið mína til Akureyrar með bestu vinkonum mínum úr hjúkkunni síðasta föstudag og dvaldi þar yfir helgina. Ferðin var sameiginleg skíða-og djammferð heilbrigðisvísindasviðs Háskólans en hver vinahópur þurfti að redda bíl og koma sér norður sjálfur þar sem allir hittust svo. Við vinkonurnar fórum í samfloti norður 10 saman á 2 jeppum og stemningin var góð og tilhlökkunin mikil Enginn bjóst við því að annar bílanna sem við fórum á myndi bila skömmu eftir að lagt var af stað... já vinkonur mínar í hinum bílnum lentu í því að bíllinn bilaði og vildi ekki fara í gang og þær þurftu að bíða eftir aðstoð og bílaleigubíl í langan tíma út í vegkanti Við hinar keyrðum fljótlega fram á þær og stoppuðum hjá þeim dálitla stund en þegar við gátum ekki gert neitt gagn var ákveðið að við myndum bara halda áfram og þær kæmu síðar. Allar komumst við svo á leiðarenda að lokum en heldur seinna en ætlunin var eða ekki fyrr en að ganga 18 um kvöldið svo við misstum af fyrri vísindaferðinni í Kalda sem var plönuð en ég grét það nú ekki og við stelpurnar ákváðum bara að slá upp partýi í flottu íbúðinni sem við vorum búnar að redda okkur til útláns yfir helgina í staðin fórum og komum dótinu okkar fyrir í íbúðinni og tókum okkur til fyrir kvöldið og svo var djammað þar fram yfir miðnætti og svo haldið í bæinn á Kaffi Akureyri mjög gaman og mikið stuð í fólki enda ekki á hverjum degi sem hægt er að djamma annars staðar en í Reykjavík og sjá annað umhverfi og fólk

Á laugardeginum var haldið upp í Hlíðarfjall til að skíða, bretta og þoturassast rosa fjör og æðislega gaman að koma þangað og leika sér í góða veðrinu og snjónum fram eftir degi. Síðan fórum við stelpurnar heim í íbúð til að sturta okkur, mála og dressa upp fyrir mikið djammkvöld og seinni vísindaferð helgarinnar í Vífilfell sem við ætluðum nú ekki að missa af Eftir vísó og nóg af fríum bjór fórum við vinahópurinn saman út að borða á Greifanum víðfræga og svo fórum við aftur heim í íbúð og fengum okkur í glas og fórum í skemmtilega drykkjuleiki áður en við fórum á Kaffi Akureyri Þar hittum við krakka af öðrum árum og deildum og það var mikið dansað og djúsað fram á nótt

Ferðin var mjög skemmtileg og Akureyri var sannkallaður jóla-og vetrarbær, allt annað en hér heima þar sem smá snjór sést við og við. En það var ekki allt æðislegt og gaman í þessari ferð, ég varð fyrir því mikla óláni að tapa myndavélinni minni sem mamma og pabbi gáfu mér í jólagjöf þegar ég var 20 ára sem var mikill missir Á leiðinni heim frá Akureyri lentum við 3 bestu vinkonurnar í mikilli hálku og bíllinn sem við vorum á lét skyndilega ekki að stjórn rétt áður en við komum að Varmahlíð með þeim afleiðingum að bíllinn valt með okkur út af veginum það var hræðileg upplifun og mikið sjokk en allar sluppum við þó heilar út úr þessu og er ég viss um að einhver verndarengill var þarna með okkur. Við erum að jafna okkur og finnum aðallega fyrir beinverkjum og eymslum hér og þar um líkamann sem vonandi hverfur bara með tímanum. En þar sem við höfðum aldrei lent í neinu í líkingu við þetta áður þá var okkur auðvitað mjög brugðið og trúum því varla enn að þetta hafi gerst fyrir okkur Svo ferðin okkar var ekki áfallalaus en samt sem áður skemmtum við okkur ótrúlega vel saman og svo mikið er víst að þessi ferð gleymist aldrei

Ég er nú komin á jörðina aftur og á fullt í skólanum og verkefnavinnu. Svo er fyrsta helgartörnin mín á 14E um helgina og afmælispartý ársins á laugardagskvöldið er boðin í 2 afmæli og hlakka til
 
Love Sólveig Helga!

Og aldrei það kemur tilbaka þessi setning og merking hennar vekur ætíð dálitla sorg í mínu hjarta vegna þess að hún lýsir óhjákvæmilegum gangi lífsins og minnir mig líka óþægilega á það hvað tíminn líður hratt. Sama augnablikið, sama árið, kemur aldrei aftur!!! Það tilheyrir alfarið hafsjó fortíðarinnar og þaðan fæst það víst aldrei endurheimt, en enginn getur þó nokkurn tíman tekið frá okkur minningarnar og yfir því er hægt að gleðjast
En allar vonir manns á þessari stundu eru bundnar við ókomin ár og allt það sem þau munu koma til með að færa okkur. En á sama tíma og þetta lag vekur sorg hjá mér þá elska ég þetta lag líka, textinn er svo flottur og lagið við hann svo fallegt og hjá mér eru engin áramót án þess að ég heyri þetta lag a.m.k. einu sinni hljóma og ég tek auðvitað vel undir sjálf!

Þessi áramót voru mjög skemmtileg, bróðir minn og fjölskyldan hans komu hingað í Grafarvoginn og amma Helga líka og auðvitað var yndislegt að hafa þau. Við borðuðum glæsilega matreiddan og gómsætan kalkún sem mamma og pabbi hjálpuðust að við að elda allan gamlársdag og svo var farið á brennu, horft og hlustað á ræðu forsætisráðherra í sjónvarpinu og áramótaskaupið og loks skotið upp flugeldum og gamla árið kvatt með stæl Um miðnætti var skálað saman í kampavíni og hlustað á áramótalög til að fagna nýju ári og við gæddum okkur á ýmsum veigum sem mamma gerði fyrir kvöldið. Svo komu Bergþóra vinkona mín og Rósíka heim til mín um eitt leytið og þær voru í rosa stuði og við settum upp gamlárshatta og fengum okkur hvítvín og fleira gott að drekka áður en við héldum á áramótaball með Sálinni á Broadway þangað lögðu sko margir leið sína þessa nýársnótt og var algjörlega troðið en voða gaman að fara og sjá alla og dansa og skemma sér. Þetta voru mjög skemmtileg og góð áramót

Jólin og áramótin eru því enn einu sinni gengin í garð og næstum liðin og voru með eindæmum yndisleg og notaleg þetta árið. Ég er bara búin að njóta þess að slappa af og gera nákvæmlega það sem mér sýnist síðastliðnar tvær vikur eða frá því jólafríið mitt hófst Hef verið að horfa mikið á video, lesa annað en skólabækurnar og soooofa fór svo eitthvað í heimsóknir og djammaði tvisvar. Á aðfangadag voru amma mín og afi hjá okkur sem var yndislegt og allir fengu fínar gjafir og rjúpurnar voru mjög ljúffengar og allt svo hátíðlegt. Ég fékk 9 persónuleg jólakort þessi jólin sem er met og þakka ég mikið fyrir þau, það gladdi mig sérstaklega mikið að vinkonur mínar sem eru komnar með fjölskyldur hafi sent mér kort með myndum af börnunum sínum Verð að segja að þetta eru fallegustu börn sem um getur og fékk ég tár í augun við að opna kortin, lesa það sem stóð og myndirnar af litlu krílunum eru komnar inn í albúmið mitt Já ég á margar góðar vinkonur sem ég elska:* Ósköp tíðindalítil og ljúf jól annars og einkunnirnar mínar eru allar komnar nema ein og mér gekk bara vel

Nú eru nákvæmlega 3 dagar þar til skólinn minn tekur til starfa á ný, hjúkrunarfræðideildin, og ég hlakka mikið til. Önnin lítur mjög vel út, ég verð í fjórum áhugaverðum fögum og tek svo 4 vikur í verknámi í lok vorprófa sem eru núna í lok febrúar ólíkt því sem verið hefur. Námið verður því nokkuð stíft af því önnin er svo stutt en að sama skapi léttari og skemmtilegri fög en á síðustu önn og ég kemst snemma út í sumarið að vinna við mitt fag Svo verð ég að vinna á nýjum stað með námi á þessari önn og vonandi í sumar líka ef mér líkar vel á hjartadeild 14E LSH við Hringbraut. Ég er mjög spennt fyrir því að byrja vinna þar og prófa eitthvað alveg nýtt og læra meira um hjartað og það sem ég hef verið að lesa um í skólanum. Svo ég er að fara hjúkra fólki með ýmsa hjartasjúkdóma og eru kransæðastíflur og hjartaáföll algeng ástæða innlagnar á þessa deild. Hingað til hef ég verið að vinna á meltinga-og nýrnadeildinni 13E svo ég er að fara yfir í allt annað núna og því ætti ég að fá nokkuð fjölbreytta starfsreynslu Hlakka mikið til að kynnast þessu öllu saman.

Þrátt fyrir að komandi önn sé þéttsetin skyldum og verkefnum þá ætla ég auðvitað ekkert að slaka á í djamminu og skemmtanalífinu ég sé fram á mjög ríkulegt félagslíf og er nú þegar búin að plana að fara til Akureyrar um miðjan janúar að skemmta mér með bestu vinkonum mínum úr hjúkkunni og svo er búið að bjóða mér í stórt afmælispartý og sjálf ætla ég að halda stórt bekkjarpartý á önninni og vera dugleg að mæta í vísindaferðir vetrarins
Ég er mjög bjartsýn í upphafi árs enda sé ég enga ástæðu til annars, er búin að strengja nokkur áramótaheit og setja mér mikilvæg markmið fyrir næsta árið sem ég ætla mér að ná.

Ég vil óska ykkur öllum gleðilegs nýs árs og farsældar í framtíðinni.
Megi þetta herrans ár 2009 veita ykkur hamingju og hlífa ykkur við sorg kæru lesendur mínir nær og fjær! Megi draumar ykkar rætast

Sólveig Helga hjúkkulíus

Já nú er ég loksins komin í langþráð frí, jólafrí í gærmorgun var síðasta jólaprófið mitt, lokapróf í lyfjafræði, og mér gekk bara vel og það var æðislega gott að skila úrlausninni að prófi loknu og ganga út þar voru hjúkkurnar mínar og við fórum hópur saman á Vegamót til að borða og hafa það huggulegt saman í tilefni dagsins við vorum allar mjög kátar auðvitað enda strembnar 2 vikur að baki. Eftir matinn á Vegamótum fór ég heim og lagði mig og slappaði af, var rosalega þreytt, svo um kvöldið skellti ég mér í Keiluhöllina í Öskjuhlíð þar sem bekkurinn minn ætlaði að hittast og spila keilu saman og drekka bjór til að fagna próflokunum það mætti stór hluti bekkjarins og allir voru í miklu stuði. Ég var að keilast í annað sinn á ævi minni svo ég var ekki með neina snilldartakta en hafði mjög gaman af og var alls ekkert verri en hinir vil allavega trúa því hehe en allir virtust skemmta sér mjög vel og það var rosalega gaman. Svo eftir keiluna fórum við nokkur saman niður í bæ á Dubliners og hlustuðum á ungan trúbador sem hélt uppi stuðinu við mikinn fögnuð viðstaddra og það var mikið sungið og trallað Já rosa góður dagur í gær og virkilega skemmtilegt kvöld og ég sofnaði ánægð seint og síðar meir. 

Í morgun svaf ég til að ganga 12 án þess að rumska einu sinni segir allt sem segja þarf um þreytuna og spennufallið eftir prófin. Það var svo ljúft að sofa og vakna svo og þurfa ekkert að gera nema draga andann og njóta þess að vera til, engar skyldur í dag Ég ætla slæpast aðeins lengur og fara svo að taka til í ruslahaugnum sem safnaðist upp heima á meðan ég var í prófum ég gæti ekki boðið nokkrum manni í heimsókn fyrr hehe..svo er bara planið að hafa það gott og gera ýmislegt skemmtilegt í jólafríinu.

Gleðilegt jólafrí

Kv,Sólveig Helga!

Gleðileg jól:*

   

Langar að setja örfáar línur hérna inn, hef ekkert skrifað á bloggið svo lengi Ég er að læra undir lokapróf þessa dagana, jólaprófin mín, og er búin að taka eitt próf, örveru-og sýklafræði og á þrjú eftir. Fer í lífeðlisfræði II á þriðjudaginn næsta 9.des, svo er það ónæmis-og meinafræði 11.des og loks lyfjafræði þann 15.des og þá verð ég sko fegin að komast í kærkomið jólafrí Kem svo líklega til með að tjútta eitthvað 19. eða 20.des í tilefni af próflokum. Ég get ekki beðið eftir að komast í jólafrí og hvíla mig aðeins á lærdómi og hafa það gott í faðmi fjölskyldu og vina Hafið það gott kæru vinir og kunningjar og njótið þess að vera til nú þegar jólin nálgast! Ég lofa svo að blogga fljótt aftur þegar prófin eru búin

Bestu kveðjur
Sólveig Helga lærilíus

Það hefur margt drifið á daga mína síðan ég bloggaði síðast. Ég ætla mér ekki að rifja upp allt mánuð aftur í tímann en mig langar að bæta úr bloggleysinu og segja frá því helsta sem ég hef verið að gera undanfarið. Ég fór í verknám á 13-D skurðdeild LSH við Hringbraut í 3 vikur nú í október og það gekk mjög vel allt frá fyrsta degi og ég lærði fullt af nýjum hjúkrunarverkum og fékk mikið út úr námstímanum Fann enn betur í þessu verknámi hvað þetta starf er mikið ég og hvað ég nýt þess sem ég er að gera til að hjálpa veiku og slösuðu fólki. Verkefnin sem ég þurfti að leysa í tengslum við starfsnámið voru þó helst til mörg eða 7 talsins svo ég var mjög önnum kafin þangað til ég var búin að skila þeim sem var núna á föstudaginn síðasta þá var þungu fargi af mér létt og ég algjörlega búin með verklegan hluta námsins á þessari önn, búin að taka verklega prófið og ná því og allt Fékk mjög góða og flotta umsögn um frammistöðu mína á skurðdeildinni frá deildarkennaranum mínum sem fylgdist með mér á námstímanum svo ég er mjög sátt!!! 

Um helgina djammaði ég svo auðvitað eins og nærri allar helgar síðan skólinn byrjaði. Þetta djamm var þó soldið spes af því ég var soldið að fagna því að vera búin með verknámið mitt og vera komin í smá "vetrarfrí", þarf lítið að mæta í tíma fram að jólaprófum sem er ágætt í bili og verð mestmegnis að lesa sjálf heima eða á hlöðunni á næstu vikum Á föstudaginn kom hún Lísa mín í bæinn og tók mig með sér á ball á Players í Kópavoginum sem var mjög skemmtilegt. Hún heimsótti mig og við spjölluðum, máluðum okkur og klæddum okkur flott og skelltum okkur svo saman á Pizza pronto og svo á ballstaðinn Þegar þangað var komið fengið við okkur drykk og sátum dálitla stund áðuren við skelltum okkur út á dansgólfið og dönsuðum linnulaust. Við tókum fljótlega eftir því hvað karlmenn staðarins voru óþolandi mikið utan í okkur, ekkert lítið sveittir og káfandi pufff hehehe aldrei upplifað annað eins og til lengdar var það orðið mjög pirrandi. En þegar hljómsveitin, Buff, tók sér hlé fór ég á barinn og spjallaði svo við mann og annan sem ég hitti þar og Lísa heilsaði uppá hljómsveitarmeðlimina á meðan. Svo var dansað meira eftir hlé og já ég hitti nokkra stráka og dansaði við þá líka og spjallaði og skemmti mér mjög vel Held við höfum verið komnar heim að ganga 5 við Lísa.

Svo á laugardaginn var útskrift Helgu Clöru vinkonu minnar úr sálfræðinni í HÍ og flott veisla var haldin heima hjá henni og ég mætti fyrst í hana og fór svo seint um kvöldið þaðan heim til Bergþóru vinkonu minnar sem var með innflutningspartý það var rosa gaman á báðum stöðum og ég var í miklu stuði og fór svo með stelpunum niður í miðbæ um 2 leytið um nóttina þar sem djammið hélt áfram til morguns Við kíktum á Sólon og Vegamót og það er óhætt að segja að það hafi verið troðið af fólki á báðum stöðunum og ég þakkaði fyrir að geta dregið andann

En alvara lífsins er aldrei langt undan og nú eru akkurat 6 vikur í lokapróf og ég er farin að læra heima allan daginn frá og með þessum tímapunkti enda ekki að vinna meir fram að jólum og tímasókn lítil svo ég á bara vera læra... að mestu allavega en ég er náttla svo skemmtanaglöð að ég er strax farin að hlakka til næsta djamms sem er sameiginlegt djamm heilbrigðisvísindasviðs Háskóla Íslands sem verður bara geðveikt

Þangað til næst, verið góð hvert við annað
Knús, Sólveig Helga!

Ég ætla að blogga smá núna fyrst ég man ég hef ekki gefið mér mikinn tíma til þess undanfarið enda alltaf meira en nóg að gera hjá mér og þá gleymi ég oft öllu öðru nema því sem ég er mest upptekin af, semsagt náminu og að skemmta mér En svo ég segi meiri skemmtisögur hér þá fór ég í stórskemmtilega vísindaferð í Actavis með hjúkkunum mínum um daginn, tvær vikur síðan, og þar fengum við góðan fyrirlestur og móttökur og nóg að borða og drekka ég var sko að fíla það í botn. Svo var haldið á stað sem heitir Sportbarinn rétt hjá Hótel Íslandi og þar var sko mikið fjör og hjúkku-og verkfræðinemar djömmuðu saman ég skemmti mér hrikalega vel þarna og hitti fullt af fólki sem ég þekki og suma sem ég hef ekki séð í mörg ár, enda dvaldi ég á staðnum í marga klukkutíma Myndirnar sem ég á frá kvöldinu og eru inn á facebook tala alveg sínu máli um hversu gaman þetta var. Ég átti miða á Sálina á Broadway síðar þetta sama föstudagskvöld en var svo lengi á Sportbarnum í ruglinu að þegar ég loks dreif mig á ballið var Sálin að syngja síðasta lagið og ég búna týna vinum mínumhehe en ég dansaði nú bara samt og fann svo hana Lísu mína sem ég reyndar týndi svo að lokum líka eftir að hafa dansað soldið við hana... já ég veit ég var skrautleg þetta kvöld En ég lét þá staðreynd að ég væri orðin "ein" eftir á Broadway ekki stöðva mig í að skemmta mér áfram og dansaði brjálað mikið þessa nótt og var í svakalegu stuði endaði svo ein fyrir utan ballstaðinn að leita að leigubíl um 5 leytið hehe. Svo fór ég í Bláa lónið í fyrsta sinn daginn eftir og það var ótrúlega nice og gaman að koma loks þangað, en hárið mitt er reyndar enn að jafna sig eftir kísilinn þar sem ég "gleymdi" að setja það upp í tagl áðuren ég fór oní lónið mæli ekki með því.. svo borðaði ég líka í lóninu dýrindis máltíð og átti frábæran dag í skemmtilegum félagsskap... djúsaði svo smá aftur um kvöldið og gisti í Keflavík fram á sunnudag og hélt þá heim og lærði soldið.. já alltaf nóg að gera í skemmtanalífinu síðan skólinn byrjaði

Það er cracy að gera í skólanum núna samt og ég er að fara í fyrsta verklega og munnlega próf vetrarins á föstudaginn og svo er ég að byrja í 3 vikna verknámi á þvagfæraskurðdeild LSH, hvorki meira né minna, eftir næstu helgi ég er bæði rosa spennt og drullunervus enda búið að fara yfir mikið efni í verklegu stofunni í september og nú reynir á kunnáttuna...já það er sko ekki auðvelt að vera 2.árs hjúkkunemi en það er ofsalega gaman því við nemar fáum að gera miklu meira en í fyrra. Ég er t.d. búna fá sýnikennslu og æfingu í að sprauta, búa um sár, gefa vökva, setja upp þvaglegg, taka til lyf og reikna út rétta lyfjaskammta og blanda sýklalyf Kröfurnar eru orðnar meiri og hjúkrunarverkunum fjölgar sem ég á að hafa á valdi mínu og það er farið mjög hratt yfir efnið í öllum námskeiðum. En ég tek þessu öllu með ró enda veit ég að allt á þetta eftir að ganga vel og mér líkar alltaf jafnvel í náminu mínu

Kv.Sólveig Helga!

Jæja hmmm hvar á ég að byrja þetta blogg ég er svo dugleg að skemmta mér og vera upptekin þessa dagana að vikurnar þjóta og ég næ ekki að blogga nógu oft í rólegheitunum. En nú skal ég segja ykkur stuttlega frá því skemmtilegasta sem á daga mína hefur drifið undanfarið. Menningarnótt var geðveikislega skemmtileg og trilljón manns í bænum náttla og ég ákvað að missa ekki af þessum árlega viðburði og byrjaði djammið snemma. Ég skemmti mér rosalega vel þetta kvöld, endaði á að vera á Hressó frá miðnætti til 6 um morguninn og svo í eftirpartýi til að verða hádegis á sunnudag hitti óvænt nokkra gaura á Hressó sem við stelpurnar hittum í Eyjum um versló og það urðu svo sannarlega fagnaðarfundir....i say no more...  Svo núna síðasta laugardag fór ég með Steinunni og Bergþóru vinkonum mínum til Keflavíkur í afmæli til sameiginlegrar vinkonur okkar og svo skruppum við yfir til Sandgerðis í partý og á ball.  Já þetta var fyrsta nokkurs konar sveitaballið sem ég fer á í þessu lífi believe it or not skemmti mér svo vel á ballinu enda alltaf stuð þar sem Á móti sól er að spila og fullt af fólki. Við vorum allar svo fínar og sætar enda allar nýbúnar að kaupa okkur ný skvísuföt fyrir helgina. Eftir ballið fengum við svo gistingu hjá henni Irmu afmælisbarni í Keflavík og svo vöknuðum við ekki almennilega fyrr en að verða 3 næsta dag hehe og þá var keyrt í bæinn og við stelpurnar vorum ansi lúnar.

Skólinn er byrjaður aftur já ég er orðin 2.árs hjúkkunemi og trúi því vart sjálf.. tíminn líður hratt og áfangarnir koma jafnharðan. Mér líst vel á veturinn en ég held það sé ansi þung önn í náminu núna framundan enda enn meiri kröfur gerðar til manns núna og þá ekki síst hvað varðar verklega þáttinn, svo er ég líka í 6 nýjum frekar þungum áföngum fram að jólum. Ég er ekki alveg komin í gang ennþá með heimalærdóminn reyndar þarf að fara koma mér upp rútínu enda önnur vikan í skólanum farin af stað og fyrsti verklegi tíminn minn í þessari viku. Rosalega gaman að hitta alla skólafélagana aftur en sumir eru hættir sem voru með mér á 1.árinu og ég sakna ákveðinna aðila sárt En sem betur fer á ég samt aðrar mjög góðar vinkonur í bekknum enn þó ég hafi misst aðrar í staðin. Ég ætla skemmta mér vel með þeim í vetur jafnhliða náminu og stunda félagslífið grimmt

Læt þetta duga að sinni, þarf að horfa á eitt kennslumyndband núna. 
Kv. Sólveig hjúkkulíus